E MOMENTU A YEGA Pa E Gran Konsierto "Hala Un Rosea"!
----------------------------------------------------------------------------
Shamiro Anita su Gran Konsierto, titulá “Hala Un Rosea”, kombina ku Alabansa & Adorashon pa sigura pueblo ku Dios tin e kontesta. Hopi biaha den bida nos mester keda trankil, Hala Un Rosea, Hasi orashon i Dios lo Yuda.
Fecha: 13 di Ougustus - Luga: WTC Exhibition Hall
Orario: 7:30 pm - Preis pa karchi: Nafl. 35,-
Karchi ta na benta na Mensings, BeepBeep, Kas Di Beibel, TikTak, 24 Uur Uit de Muur.
Pa mas informashon yama nos libremente na +59995622233 or manda nos un email na info@shamiromusic.com
Bishita nos pagina ofisial tambe pa mas informashon:
www.shamiromusic.com
E ta bai ta un show espektakular! Lo tin un Live Band, Mega Choir, Baile, Drama, Light & Fire Show, i hopi mas. Lo bai tin algun gueststar fantastiko e biaha aki atrobe. Keda pendiente pa sa ken tur ta bai tei.
Gueststars manera Liesella Thomas, Jennifer Grant, Eric Jacobino, Noelgel Pinedo, Veanira Reed, Nathan Senchi for di Bonaire, i direktamente for di New York, Kenise Etwaru. Huntu ku esakinan nos lo tin algun grupo fantastiko manera Danzarte, A El Arte, Adonai, Danzando A Sus Pies, Nemae-Last, Exchellent Choir, i direktamente for di Puerto Rico, Grupo Mishkja.
Hopi biaha nos ta enfrenta varios problema i obstakulo den bida. Nan ta bira asina tantu tin biaha ku nos ta lubida ku Dios ta den kontrol; ku E ta soberano. Dios ta stima bo i E ke bo bon. Ora bo haña bo mes den un situashon difisil, korda ku Dios semper lo tei pa yuda i ku E tin e kontesta. E tin un miho futuro plania pa bo. Djis hala un rosea, keda trankil i konfia den Dios.
Esaki ta bai ta e mensahe den e Gran Konsierto "Hala Un Rosea". Den pasado hopi hende a komenta kon e konsierto a bendishona i enkurasha nan pa sigui persevera. E biaha aki Dios ta bai move atrobe i nos tin sigur ku tur hende lo bai keda bendishona i sali diferente for di kon nan a drenta.
No perde e tremendo konsierto aki! Bin i rekorda ku Dios semper ta den kontrol. Djis hala un rosea i nunka lubida ku Dios tin e kontesta i semper E lo yuda.
